Written By Nadia Solomon
Kei te kōrero Māori koe? Kei te tuhi koe i te reo Māori? He maha ngā tūpono mōu.
Ka rongo pea koe ki te mahi o ngā kaiwhakamāori, he matua tērā mahi. Mā te mahi a ngā kaiwhakamāori, e whānui ai ngā mōhiotanga o ngā mea o te ao Pākeha, ā, ka taea e ngā tangata kōrero Māori te mōhio ngā pukapuka rongonui o te ao Pākeha. Engari, ki ahau nei, ko te mea tūturu, ko ngā kaituhi motuhake Māori.
He aha ai? Nā, ko te mahi a ngā kaiwhakamāori, ka whakamāori ngā kupu Pākeha me te āhuatanga o ngā kōrero Pākeha, ngā pūrakau Pākeha, me ngā pukapuka Pākeha anō hoki. Ko te raru o tērā ara, ka whakawhiti te ao Pākeha ki te reo Māori. Engari, he tino rerekē ngā mea, ā, he rerekē ngā pūkenga.
Ko te rerekētanga o ngā pūkenga, ko te mōhiotanga o te ao Māori. He motuhake te ao Māori. Ka aro i te ao Māori ki te whenua, ko ngā manu, ngā rakau, me ngā wai anō hoki. Ka aro hoki ki te hapori, te whānau, te hapū, te iwi anō hoki. He tino rerekē te tikanga a te ao Pākeha. Ka aro i te ao Pākeha ki te mana o te tangata takitahi, te nui o te pūtea, me te honore o ngā ture o te kawanatanga. Nō reira, ehara i te mea ka whakawhiti te ao Pākeha kia te ao Māori
I te ao tuhinga, ko te mea pai katoa, ngā tuhinga tūturu i te reo Māori, inā rā ngā mea auaha. Mēnā kei te tuhi koe i te reo Māori, mā te tuhi, mā ō whakaaro, ka whakawhānui ngā whakaaro Māori kia hōhonu ake.
Nō reira, ko tāku wēro ki a tātou, me tuhi i ngā tuhinga Māori, ahakoa he iti he nui rānei, ehara i te mea uaua. He kupu kei ōu ringa, me timata pea i tēnei rā, nā te mea, ko ngā tūhinga motuhake Māori, he taonga, he pounamu, me he mea kahurangi. Me mau ki te reo Māori, ki te ao Māori, kia tukua te ao Māori ki te ao!
